WAKENYA WALIOKUWA WAMETEKWA 2011 SASA WAMEOKOLEWA SABABU YA KUTEKWA IKO HAPA

Majeshi ya AMISOM yamekuwa yakipambana na wapiganaji wa 

Al Shabaab na kudhibiti baadhi ya maeneo waliyokuwa wameyateka

Raia wa Kenya waliotekwa nyara na kundi la wapiganaji wa kiisilamu la Al Shabaab mwaka mwaka 2011 nchini Somalia, wameokolewa na wanajeshi wa Kenya

Wakenya hao walikuwa wanafanyia kazi mashirika ya misaada ya kibinadamu .

Awali walikuwa chini ya uangalizi wa majeshi ya Kenya ambao ni sehemu ya kikosi cha Umoja wa Afrika kilichopo nchini Somalia AMISOM.Daniel Njuguna ambaye alikuwa akifanya kazi katika shirika la Madaktari wasio na mipaka Medecins Sans Frontieres MSF na James Kiarie wa Shirika la Care International, walikaguliwa kiafya na walitarajiwa kupelekwa Nairobi.

Kenya ilipeleka majeshi yake kwenda nchini Somalia mwaka 2011 kujiunga na AMISOM kufuatia matukio ya utekaji nyara yaliyokuwa yakiendeshwa na wapiganaji wa Al shabaab katika mipaka ya nchi hiyo na Somalia.

Majeshi ya AMISOM yakishirikiana majeshi yale ya serikali ya Somalia yamekuwa yakiendesha mapambano dhidi ya wapiganaji wa Al Shabaab ambao wanafadhiliwa na kundi la kigaidi la al Qaeda linaloshikilia maeneo ya kusini na katikati mwa Somalia.

Credit BBC.